\n<\/p>\n
Pryder pellach sy’n cael ei nodi yn yr adroddiad yw bod rhai athrawon CGM yn symud o Gymru i Loegr am eu bod yn rhwystredig bod y maes wedi ei wthio i “ymylon cwricwlwm cymysg y Dyniaethau” yng Nghymru.<\/p>\n
Mae rhai athrawon Addysg Grefyddol, o ganlyniad, yn dweud eu bod yn gorfod addysgu Hanes a Daearyddiaeth hefyd – pynciau “nad oeddent yn ddigon cymwys i\u2019w haddysgu, ac yn teimlo ychydig iawn o frwdfrydedd drostynt”.<\/p>\n
Cyfeirir hefyd y gallai rhai gael eu denu i Loegr wrth i fwrsar\u00efau o hyd at \u00a310,000 gael eu cynnig i\u2019r rhai sy\u2019n dymuno hyfforddi fel athrawon Addysg Grefyddol – does dim bwrsar\u00efau o\u2019r fath ar gael i athrawon dan hyfforddiant yng Nghymru.<\/p>\n
Mae methiant y llywodraeth i ddarparu gweledigaeth drefnus a chydlynol ar gyfer CGM wedi arwain at athrawon yn cael trafferth dehongli a gweithredu\u2019r cwricwlwm yn effeithiol, ychwanega’r adroddiad.<\/p>\n
“Mae\u2019r diffyg eglurder hwn yn arwain at ddehongliadau amrywiol a chyferbyniol, sydd \u00e2\u2019r potensial i arwain at wahaniaethau yn ansawdd a chynnwys y pwnc ar draws ysgolion yng Nghymru.”<\/p>\n
Ofnir bod y diffyg eglurder yn amharu ar wybodaeth disgyblion sy’n sefyll TGAU Astudiaethau Crefyddol.<\/p>\n<\/div>\n