\n<\/p>\n
Dywedodd Cymwysterau Cymru bod hwn yn “lwybr ‘n\u00f4l o ganlyniadau uwch yn ystod y pandemig”.<\/p>\n
Yn 2020 a 2021 cafodd arholiadau eu canslo ac fe gafodd graddau eu pennu gan athrawon.<\/p>\n
Pan gafodd arholiadau eu cynnal eto yn 2022, cafodd cynnwys rhai cyrsiau eu cwtogi, ac yn 2023 cafodd gwybodaeth am yr hyn allai godi mewn papurau arholiad ei roi o flaen llaw i ysgolion.<\/p>\n
Doedd yna ddim mesurau ychwanegol yn 2024.<\/p>\n
Ond dywedodd Cymwysterau Cymru, pe bai perfformiad mewn unrhyw bwnc yn llawer is na chyn y pandemig, byddai “rhwyd ddiogelwch” wrth osod ffiniau graddau.<\/p>\n
“Dyma’r flwyddyn gynta’ i ni ddychwelyd i’r drefn asesu a gosod graddau arferol,” eglurodd Philip Blaker, Prif Weithredwr Cymwysterau Cymru.<\/p>\n
Mae’n cydnabod bod y pandemig wedi amharu ar addysg plant sy’n sefyll arholiadau eleni.<\/p>\n
Ond dywedodd ei bod yn bwysig i bobl ifanc, prifysgolion a chyflogwyr i’r system ddychwelyd i’r drefn.<\/p>\n
“Mae wir yn bwysig bod gwerth yr un peth ar draws gwledydd Prydain i gyd fel bod gwerth Lefel A yng Nghymru’r un peth \u00e2 gwerth Lefel A yng Ngogledd Iwerddon neu Loegr,” meddai.<\/p>\n<\/div>\n