\n<\/p>\n
Wrth ymateb i araith Ms Morgan, dywedodd Arweinydd Plaid Cymru, Rhun ap Iorwerth AS fod yr araith yn “anobeithiol” ac “ni fydd yn apelio at bobl Cymru”.<\/p>\n
“O frad gweithwyr dur a phensiynwyr i’r diwygiadau lles creulon, mae Eluned Morgan wedi bod yn cefnogi Keir Starmer. Rhoddodd hyd yn oed yr enw ‘y bartneriaeth mewn grym’ ar eu perthynas,” meddai.<\/p>\n
“Nid yw hyn yn ddim mwy nag ymarfer o ail-frandio sinigaidd, mwy o jargon a rhethreg gwag gan Brif Weinidog a phlaid Lafur sy’n methu ac yn amharod i sefyll dros fuddiannau Cymru.”<\/p>\n
Mae’r Ceidwadwyr Cymreig wedi disgrifio’r araith fel “ymgais olaf i achub y sefyllfa”.<\/p>\n
Mae Reform yn dweud bod ganddyn nhw’r Blaid Lafur o fewn eu golwg yn dilyn etholiadau lleol yn Lloegr yr wythnos diwethaf.<\/p>\n
Dywedodd Ms Morgan yn ei haraith fod Reform yn blaid sy’n “creu ac yn manteisio ar raniadau”.<\/p>\n
Wrth siarad ar raglen World at One ar BBC Radio 4, dywedodd: “Ry’n ni’n gweld Reform fel bygythiad, ond mae bygythiad hefyd o’r adain chwith yn rhannu a chaniat\u00e1u i Reform ddod drwyddo.<\/p>\n
“Rwyf heddiw wedi amlinellu symud Llafur Cymru yn bellach i’r chwith o Lafur y DU.<\/p>\n
“Rwy’n deall eu bod nhw wedi gwneud penderfyniadau anodd wedi 14 mlynedd o lywodraeth Geidwadol, ond fe allan nhw wneud dewisiadau gwahanol.”<\/p>\n<\/div>\n