\n<\/p>\n
Ddydd Mawrth dywedodd Rheolwr Diogelwch D\u0175r Cyngor Abertawe, Andrew Suter, wrth y cwest nad oedd unrhyw ddigwyddiadau wedi bod ar y safle cyn marwolaeth Kane.<\/p>\n
Ers i Kane farw, mae’r ardal wedi cael ei hasesu o ran risg ac mae nifer o arwyddion wedi’u gosod ar hyd y llwybr wrth yr afon, yn rhybuddio am beryglon mynd i mewn i’r d\u0175r, meddai.<\/p>\n
Ychwanegodd fod bwi achub hefyd wedi’i osod ar blatfform pysgota ymhellach i fyny’r afon ac y bydd llwyni draen yn cael eu gosod ger y morgloddiau er mwyn atal mynediad at y pyllau d\u0175r yno.<\/p>\n
Ond pan bwysodd y teulu arno i ailystyried lleoli bwi achub ar y safle, dywedodd Mr Suter y byddai’n asesu’r safle eto.<\/p>\n
Ar ddiwedd y cwest dywedodd teulu Kane eu bod yn derbyn bod Kane wedi marw mewn “damwain drasig”. <\/p>\n
Fe wnaethon nhw hefyd ddiolch i aelodau’r gwasanaethau brys a geisiodd ei helpu.<\/p>\n
Dywedon nhw eu “bod wedi cael cysur o’r ffaith bod y gwasanaethau lleol wedi gwneud newidiadau lle bo angen”.<\/p>\n<\/div>\n