\n<\/p>\n
Mae’r Ceidwadwyr Cymreig wedi croesawu’r tro pedol hwn gan y Blaid Lafur, ac yn dweud bod parhad yn y gofal yn “hanfodol”.<\/p>\n
“Ond bydd y cytundeb deintyddol newydd y GIG yn talu deintyddion i weld pobl yn seiliedig ar eu hanghenion yn lle eu gweld ddwywaith y flwyddyn yn rheolaidd a gall bylchau o hyd at ddwy flynedd fod rhwng archwiliadau,” medd James Evans AS, Ysgrifennydd Cabinet Cysgodol y Ceidwadwyr Cymreig dros Iechyd a Gofal Cymdeithasol.<\/p>\n
Ateb dros dro yw hyn, ychwanegodd y Ceidwadwyr Cymreig, gyda’r potensial i “niweidio cleifion deintyddol yn y tymor hir”.<\/p>\n
Dywedodd llefarydd Plaid Cymru dros iechyd a gofal cymdeithasol, Mabon ap Gwynfor AS:<\/p>\n
“Mae’r sefyllfa sy’n wynebu deintyddiaeth y gwasanaeth iechyd yng Nghymru yn argyfyngus. <\/p>\n
“Er bod y rhybuddion wedi bod yn amlwg ers peth amser, mae gweithredoedd Llywodraeth Lafur Cymru wedi arwain at ddeintyddion y gwasanaeth iechyd yn rhoi’r diwedd i’w cytundebau yn eu tyrfaoedd, gyda’r anialwch deintyddol ar draws Cymru yn lledaenu. <\/p>\n
Mae mynediad at ddeintyddiaeth bellach yn foethusrwydd yn hytrach na hawl a roddir i bawb.<\/p>\n
“Mae pryderon Plaid Cymru yn parhau. Rhaid i Lywodraeth Lafur Cymru fod yn glir ynghylch y goblygiadau posibl o ganlyniad i’r bwlch cynyddol rhwng apwyntiadau, blaenoriaethu lles a lles deintyddion o ganlyniad i lwyth gwaith, a gwella casglu data er mwyn sicrhau tryloywder. <\/p>\n
“Os na fydd y llywodraeth yn cymryd camau brys i gefnogi deintyddion yn well fel eu bod yn dewis aros yn y gwasanaeth iechyd, cleifion bydd yn dioddef.”<\/p>\n<\/div>\n